अपाङ्ग दिवसको अवसरमा न्यानो कपडा बितरण

बीरगंज १८ मंसिर/ अवरोधहरु हटाउँदै सबैका लागी समावेशी र पहुँचयूक्त समाजको स्थापना गरौं भन्ने नाराका साथ २१ औं अन्तरष्ट्रिय अपाङ्ग दिवस वीरगंजमा पनि मनाइएको छ । बाँकी समाचार..........

दिवसका अवसरमा जिल्ला विकास समितीको कार्यालयमा आयोजित शुभकामना तथा अपाङ्ग बालबालिकालाई न्यानो कपडा वितरण कार्यक्रम गरिएको छ । २१ औं अन्तराष्ट्रिय अपाङ्ग दिवस आयोजक समतिीले कार्यक्रम आयोजना गरेको हो । कार्यक्रममा प्रमुख जिल्ला अधिकारी कैलाश कुमार बजिमयले आयोजकका तर्फबाट अपाङ्ग बालबालिकालाई ऊनी ट्राउजर वितरण गरेका छन् । कार्यक्रममा सहभागी अपाङ्ग संघसंस्थाका अगुवाले राज्यले सार्वजनिक स्थान र सरकारी कार्यालयमा अपाङ्गका लागी विशेष भौतिक पूर्वाधार निर्माणको कार्य अझैसम्म नगरेको गुनासो गरेका छन् । साथै अपाङ्गका लागी सरकारले सार्वजनिक यातायात सेवामा छुट सहुलियतको घोषणा गरेपनि अपाङ्ग बञ्चित रहेका छन् ।