ब्रहमाकुमारी द्धार दुई दिने प्रवचन तथा प्रशिक्षण शिविरको हुने

बीरगंज १८ मंसिर/ ब्रहमाकुमारी राजयोग सेवा केन्द्रले वीरगंजमा तनाव व्यवस्थापन सम्बन्धी दुई दिने प्रशिक्षण शिविरको आयोजना गर्ने भएको छ । बाँकी समाचार..........

छपकैयाँस्थित राजयोग सेवा केन्द्र परिसरमा आयोजना गरिने शिविरमा ब्रह्माकुमारी ईश्वर विश्व विद्या्लय भारतको प्रसिद्ध प्रवचक बालब्रहमचारिणी विदुषी उषाले प्रशिक्षण दिने कार्यक्रम रहेको छ । मंसिर २३ र २४ गते सञ्चालन हुने शिविरमा बिहान ७ बजेदेखि सकारात्मक जीवन शैली र दिउँसो ३ बजेदेखि तनाव व्यवस्थापन सम्बन्धमा प्रवचन तथा प्रशिक्षण हुने राजयोग सेवा केन्द्रको क्षेत्रिय निर्देशिका रविणाले बताउनु भयो । बीरगंजको छपकैयासिथत राजयोग सेवा केन्द्रमा आज बिहान आयोजित पत्रकार सम्मेलनमा जानकारी दिनु भएको छ । व्यवसायीक सफलता, स्वस्थ्य मनस्थिति र सकारात्मक जीवन शैलीका लागी राजयोगको अभ्यासलाई आङ्खनो दिनचर्या बनाउनका लागी आम नागरिकलाई प्रोत्साहित गर्ने उद्येश्यले शिविरको आयोजना गर्न लागिएको ब्रहमाकुमार गुणराजले बताउनु भयो । पत्रकार सम्मेलनमा निवर्तमान् सभासद रामचन्द्र प्यासीले शिविरबाट सर्वसाधारणहरु लाभान्वित हुने विश्वास व्यक्त गरेका छन् । पत्रकार सम्मेलनमा ब्रहमाकुमारी बेली बहन, मिना बहन, ब्रहमाकुमार गुणराज लामिछाने, ब्रहमाकुमार जितेन्द्र भाईले शिविरबारे जानकारी दिनु भएको छ ।