बिद्यार्थीहरुका लागि जागरण अभियान शुरु

बीरगंज २१ मंसिर/ सुरक्षा व्यवस्था सुदृढ बनाउनका लागी बिद्यार्थीहरुलाई लक्षित गरेर आज देखि वीरगंजमा तीन दिने जागरण अभियान शुरु भएको छ । बाँकी समाचार.......

अभियान अन्तरगत आज र भोलि दुइ दिन वीरगंजमा रहेका विभिन्न विद्यालयका विद्यार्थी र शिक्षकहरुलाई सुरक्षा र कानून सम्बन्धि तालिम दिइदैछ । यूनाइटेड इन्स्टिच्यूट अफ पीस यूएसआइपी, रेस नेपाल, नारायणी एफ.एम र नेपाल प्रहरीको संयुक्त आयोजनामा अन्चल प्रहरी कार्यालय वीरगंजको परिसरमा आज देखि शुरु भएको तालिममा विभिन्न ५३ ओटा विद्यालयका विद्यार्थी र शिक्षकहरु गरि एक सय ६० जनाको सहभागीता रहेको छ  । तालिममा सहभागी विद्यार्थीहरुलाई पर्साका प्रहरी नायव उपरिक्षक राजेन्द्र विष्ट , प्रहरी निरिक्षक द्धारिका घिमिरे, ट्राफिक प्रहरी निरिक्षक विज्ञान बस्नेत, नारायणी एफ एमका कार्यकारी अध्यक्ष गोविन्द देवकोटा र अधिवक्ता कमल मोहन पोखरेलले प्रशिक्षण दिने आयोजकले जनाएको छ । भोलि तालिम सकिएपछि मंसिर २३ गते शनिबार सहभागी विद्यार्थीहरुलाई स्थलगत भ्रमण समेत गराइने आयोजकले जनाएको छ । बिद्यार्थीहरु समाज परिवर्तनका संवाहक भएकाले उनीहरुलाई कानुनहरुको बारेमा जानकारी गराई अपराध मुक्त समाज निर्माणको अभियानमा सहभागी गराउने उद्देश्यले अभियान सन्चालन गरिएको पर्साका प्रहरी उपरिक्षक पिताम्बर अधिकारीले बताउनु भयो । नारायणी एफ एमका कार्यकारी अध्यक्ष देवकोटाले शान्ति सुरक्षाको अवस्थामा सुधार ल्याएर समाजमा शान्ति स्थापनाका लागी विद्यार्थी तथा शिक्षकहरुको भूमीका प्रवद्र्धन गर्ने उद्देश्यले वीरगंज नगरमा यो अभियान सन्चालन गरिएको जानकारी दिनुभयो ।