निजामति कर्मचारीहरुको प्रशिक्षण शुरु

वीरगंज ३ मंसिर/ नेपाल निजामति कर्मचारीहरुको अञ्चल स्तरीय प्रशिक्षण कार्यक्रम आजदेखि वीरगन्जमा शुरु भएको छ । बाँकी समाचार..........


नेपाल निजामति कर्मचारी संगठन र नारायणी अञ्चल समन्वय समितिको आयोजनामा नया संविधानमा शुसासन, सामाजिक सुरक्षा र श्रमको समान राजनीतिक, अधिकार सहितको ट्रेड युनियन हाम्रो अभियान नाराका साथ शुरु भएको उक्त कार्यक्रमको उदघाटन संगठनका अध्यक्ष र कार्यक्रममा प्रमुख अतिथी भोलानाथ पोखरेलले गर्नुभएको थियो । नारायणी अंचल संयोजक इश्वरी हमालको सभापतित्वमा सम्पन्न उक्त कार्यक्रममा नारायणी अंचल भरीका प्रतिनिधिहरुको बाक्लो उपस्थिति रहेको थियो । ट्रेड युनियन अधिकारलाई कसरी व्यवस्थीत पार्ने, विश्व व्यापी व्यवहारमा ल्याउने र मजदुरहरुलाई कसरी एकता र संगठित पार्ने भन्ने कुरामा सवैले जोड दिएका थिए । निजामती कर्मचारीहरुले कसरी व्यवस्थित र सम्मानित भएर काम गर्ने लगायतको उद्देश्य रहेको छ ।