दुर्घटनामा एकको मृत्यु, १२ घाइते

बीरगंज १२ असोज/ काठमाण्डौबाट सिन्धुली तर्फजाँदै गरेको ना.२.ख ५४९३ नम्बरको बस पुर्व पश्चिम राज मार्ग अन्तरगत बाराको पथलैया नजिक आज बिहान करिब साढे ३ बजे दुर्घटना हुदा एक महिलाको मृत्यु भएको छ ।
 

अत्यधिक गतिमा रहेको कारण नियन्त्रण गुमाएर दुर्घटना भएको प्रहरीले जनाएको छ । पथलैया देखी ४ किलो मिटर पूर्व दुधौरा खोला नजिक राजमार्गमा भएको दुर्घटनामा परेर सिन्धुली लामाटार निवासी अस्सी वषिर्य भैरवमाया कार्कीको घटनास्थलमा मृत्यु भएको र बसमा यात्रा गरिरहेका मध्ये १२ जना घाइते भएको प्रहरीले जनाएको छ । घाइतेहरुको नारायणी उप क्षेत्रिय अस्पताल बीरगंजमा उपचार भइरहेको छ भने दुर्घटनापछि बसका चालक फरार भएका छन ।